विद्युत् उत्पादनसँगै खपत र व्यापारका योजना आवश्यक: इप्पान अध्यक्ष कार्की

२०८२ माघ १८ आइतवार

(अर्थ/वाणिज्य)

सारांश

अध्यक्ष कार्कीले निजी क्षेत्रलाई विद्युत् व्यापार गर्न दिनुपर्ने आवश्यकता औंल्याउँदै निजी लगानीको सुरक्षा सुनिश्चित गर्ने नीतिगत व्यवस्था गर्न सरकारसँग माग गरे ।

काठमाडौं: स्वतन्त्र ऊर्जा उत्पादकहरूको संस्था नेपाल (इप्पान) का अध्यक्ष गणेश कार्कीले विद्युत् उत्पादन बढ्दै गए पनि त्यसको खपत, व्यापार र निर्यातका स्पष्ट योजना राज्यसँग नदेखिएको बताएका छन् ।

आइतबार काठमाडौंमा आयोजना गरिएको ‘दलका घोषणापत्रमा आर्थिक एजेन्डा’ कार्यक्रमलाई सम्बोधन गर्दै अध्यक्ष कार्कीले विद्युत् उत्पादन मात्र पर्याप्त नहुने र खपत तथा निर्यातको रणनीति अनिवार्य रूपमा तय गर्नुपर्नेमा जोड दिए । उनले दलहरूले घोषणापत्रमार्फत उत्पादित विद्युत्को खपत, निर्यात र व्यापारसँग सम्बन्धित नीतिहरू सुधार गर्ने स्पष्ट प्रतिबद्धता जनाउनुपर्ने र त्यसको प्रभावकारी कार्यान्वयनमा ध्यान दिनुपर्ने बताए ।

“विद्युत् उत्पादन मात्र गरेर हुँदैन, खपतका योजना चाहिन्छ,” कार्कीले भने, “निजी क्षेत्रले उत्पादन गरेको विद्युत् नेपाल विद्युत् प्राधिकरणले किनिदिने व्यवस्था हुनुपर्छ, अन्यथा लाइसेन्स फिर्ता दिने स्पष्ट नीति ल्याउनुपर्छ ।”

अध्यक्ष कार्कीले निजी क्षेत्रलाई विद्युत् व्यापार गर्न दिनुपर्ने आवश्यकता औंल्याउँदै निजी लगानीको सुरक्षा सुनिश्चित गर्ने नीतिगत व्यवस्था गर्न सरकारसँग माग गरे । उनका अनुसार निजी क्षेत्रलाई अवसर र संरक्षण दुवै दिएमा ऊर्जा क्षेत्रमा लगानी थप बढ्ने र राष्ट्रिय अर्थतन्त्रलाई समेत टेवा पुग्नेछ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

'उर्जा संकटकाल': २८,५०० मेगावाटको लक्ष्य प्राप्ति र नीतिगत अवरोधहरूको निकास

लगानीकर्ताहरूका लागि अर्को ठुलो समस्या सेबोन र आईपीओ निष्कासनमा देखिएको ढिलासुस्ती हो । अहिले करिब ५० वटा जलविद्युत कम्पनीहरूको आईपीओ पाइपलाइनमा छ । महिनामा एउटा कम्पनीलाई मात्र अनुमति दिने हो भने पनि यी सबैलाई ५० महिना लाग्छ ।