नासको चन्द्रमा मिशन आर्टेमिस–२ आधा बाटोमा

२१ चैत्र, २०८२, शनिवार

(प्रबिधि)

सारांश

एक तस्बिरमा पृथ्वीको गोलाकार घुमाउरो भाग देखिएको छ भने अर्को तस्बिरमा सेता बादलले ढाकिएको पूरै पृथ्वी स्पष्ट देखिन्छ । यी दृश्यले अन्तरिक्षबाट पृथ्वीको सुन्दरता झनै उजागर गरेको छ ।

काठमाडौँ: नासाको आर्टेमिस–२ अभियानअन्तर्गत चन्द्रमातर्फ यात्रा गरिरहेका चार अन्तरिक्ष यात्रीले पृथ्वीका आकर्षक तस्बिर सार्वजनिक गरेका छन् । अन्तरिक्षबाट खिचिएका तस्बिरमा पृथ्वी निलो रंगमा निकै सुन्दर देखिएको छ ।

एक तस्बिरमा पृथ्वीको गोलाकार घुमाउरो भाग देखिएको छ भने अर्को तस्बिरमा सेता बादलले ढाकिएको पूरै पृथ्वी स्पष्ट देखिन्छ । यी दृश्यले अन्तरिक्षबाट पृथ्वीको सुन्दरता झनै उजागर गरेको छ ।

अभियानमा सहभागी चार जना अन्तरिक्ष यात्रीमध्ये तीन जना अमेरिकी र एक जना क्यानडाका रहेका छन् । उनीहरू हाल पृथ्वीबाट करिब १ लाख ८० हजार किलोमिटर टाढा पुगिसकेका छन् भने अझै करिब २ लाख ४० हजार किलोमिटर यात्रा गर्न बाँकी छ । उनीहरू आगामी अप्रिल ६ सम्म चन्द्रमाको नजिक पुग्ने योजना रहेको छ । नासाले यो अभियान आधा पुरा भएको जानकारी दिएको छ ।

अप्रिल १ को बिहान ‘स्पेस लञ्च प्रणाली’ मार्फत ओरियन अन्तरिक्षयानमा सवार भएर उनीहरू चन्द्रमातर्फ प्रस्थान गरेका थिए । सन् १९७२ पछि पहिलोपटक मानिस चन्द्रमाको नजिक पुग्न लागेको हो । यद्यपि यस अभियानमा अन्तरिक्ष यात्रीले चन्द्रमामा अवतरण गर्ने छैनन् । उनीहरू चन्द्रमाको कक्षामा परिक्रमा गरेर पुनः पृथ्वी फर्कने कार्यक्रम रहेको छ ।

तस्बीर स्रोत: नासा

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

इरानको आन्तरिक संरचना र मध्यपूर्वको युद्ध

मध्यपूर्वमा डलर, तेल, र धर्मको मिश्रणले राजनीति, कूटनीति, र द्वन्द्व सिर्जना गरेको छ । यसले मुख्य उद्देश्य सभ्यताको रक्षा तथा नेतृत्व जस्तो देखिन सक्छ । यही कारणले यो संघर्ष करिब अन्तहीन जस्तो देखिन्छ । केही समयको विश्रामपछि नयाँ संस्करणको युद्ध फेरि सुरु हुन्छ ।