पर्यटन बोर्डको सीईओ नियुक्तिका लागि १६ जना उम्मेदवार संक्षिप्त सूचीमा
२० कार्तिक, २०८३
- नेपाल पर्यटन बोर्डको प्रमुख कार्यकारी अधिकृत (सीईओ) पदमा नियुक्तिका लागि १६ जना उम्मेदवार संक्षिप्त सूचीमा छनोट भएका छन्।
काठमाडौँ: नेपाल पर्यटन बोर्डको प्रमुख कार्यकारी अधिकृत (सीईओ) पदमा नियुक्तिका लागि १६ जना उम्मेदवार संक्षिप्त सूचीमा छनोट भएका छन्।
बोर्डको कार्यकारी प्रमुख छनोट तथा नियुक्ति सिफारिस कार्यविधि, २०८३ अनुसार प्राप्त आवेदनहरूको मूल्यांकनपछि सबैभन्दा बढी अंक हासिल गर्ने १६ जना उम्मेदवारलाई शुक्रबार संक्षिप्त सूचीमा समावेश गरिएको हो।
सीईओ पदका लागि संक्षिप्त सूचीमा पर्नेहरूमा आयुतोष प्रधान (चितवन), उत्तमप्रसाद देवकोटा (चितवन), टेकबहादुर महत (इलाम), धर्मराज ढवाडी (चितवन), नोजल कोइराला (मोरङ), युबिका भण्डारी (काठमाडौं), राजाराम केसी (काठमाडौं), रामचन्द्र सेढाईं (गोरखा), रोहिणीप्रसाद खनाल (भक्तपुर), लक्ष्मण गौतम (दाङ), विनोद अर्याल (पाल्पा), श्रद्धा श्रेष्ठ (ताप्लेजुङ), श्रीप्रसाद भट्टराई (रुपन्देही), सन्तोष विक्रम थापा (काठमाडौं), सुरेश सिंह बुढाल (बैतडी) र हिक्मत सिंह ऐर (कञ्चनपुर) रहेका छन्।
नेपाल पर्यटन बोर्डको सीईओ छनोट उपसमितिले शुक्रबार जारी गरेको सूचनाअनुसार संक्षिप्त सूचीमा परेका उम्मेदवारहरूले आगामी मंसिर १० गतेभित्र आफ्नो कार्ययोजनासहित व्यावसायिक प्रस्तुतीकरण दिनुपर्नेछ।
प्रस्तुतीकरणका आधारमा छनोट प्रक्रिया थप अघि बढाइनेछ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।