जव प्रचण्डको पत्र मनमोहन सिंहले फोहोरमा फालिदिए

भारतका पूर्व प्रधानमन्त्री मनमोहन सिंहको केहि दिन पहिले निधन भयो। उनको निधनमा विश्वभरीबाट  श्रद्धाञ्जली व्यक्त गरियो ।

सिंहको मृत्यपश्चात भारतीय राजनीति र आर्थिक क्षेत्रमा उनको योगदानका साथसाथै उनको व्यक्तित्वका बारेमा विभिन्न प्रशंगहरू स्मरण भएका छन्। यसमा नेपाल अछुतो रहने कुरै भएन।  तर नेपालमा यतिबेला सामाजिक संजालमा स्वर्गीय सिंहसँग जोडिएको एउटा रोचक विषयले प्रवेश पाएको छ। त्यो हो तत्कालिन प्रधानमन्त्री मनमोहन सिंहले नेपालबाट पठाईएको पत्रलाई फोहोरमा फालिएको विषय।  

गणतन्त्र स्थापना भएपछि प्रथम प्रधानमन्त्री भए माओवादी अध्यक्ष पुष्पकमल दाहाल 'प्रचण्ड'। उनको सपथ समारोहमा भारतबाट जनता दल (युनाईटेड) का नेता तथा पूर्व सांसद के.सी. त्यागी र जनता दल युनाईटेडकै पूर्व अध्यक्ष तथा पूर्व केन्द्रिय मन्त्री शरद यादव पनि सहभागी थिए ।

सपथ समारोहपछि प्रधानमन्त्री पुष्पकमल दाहाल 'प्रचण्ड' ले उनीहरूका साथमा भारतका तत्कालिन प्रधानमन्त्री डा.मनमोहन सिंहलाई एक पत्र पठाएका थिए।  

स्वदेश फ़र्किएपछि प्रधानमन्त्री प्रचण्डको सफथ समारोहमा सहभागी दुवै जनाले समय मिलाएर डा.मनमोहन सिंहलाई भेटेर पत्र हस्तान्तरण गर्न गए। 

केसी त्यागी भन्छन "पत्रमा 'पिपुल्स रिपब्लिक अफ नेपाल' लेखिएको थियो, त्यो कम्युनिष्टको भाषा हो।" मनमोहन सिंह रिसले चुर हुँदै "नेपाल नाम हुँदा हुँदै 'पिपुल्स रिपब्लिक अफ नेपाल' लेख्नुको के मतलव, यिनको दिमाग खराब भयो ?" भन्दै उक्त पत्र फोहोर फाल्ने ठाउँमा फालिदिए। केसीले एनडिटिभिको अन्तर्वार्ताका क्रममा भने।  

यस घटनाका साक्षी के.सी. त्यागीले एनडिटिभिको एक भिडियो अन्तर्वार्ताका क्रममा यस प्रशंगलाई खुलाएका हुन्।