- इक्रोसफ्टको अनलाइन सेवामा आएको प्राविधिक खराबीले विश्वका विभिन्न देशका सरकारी निकाय, बैंक, विमान सेवा, अस्पताल तथा निजी कम्पनीहरूको कामकाज प्रभावित भएको छ ।
काठमाडौं । माइक्रोसफ्टको अनलाइन सेवामा आएको प्राविधिक खराबीले विश्वका विभिन्न देशका सरकारी निकाय, बैंक, विमान सेवा, अस्पताल तथा निजी कम्पनीहरूको कामकाज प्रभावित भएको छ ।
हङकङमा बैंकिङ सेवा, अस्ट्रेलियामा गुप्तचर तथा प्रहरी सेवा, जापानमा सरकारी प्रणाली र फिलिपिन्समा अदालतको कामकाज प्रभावित भएको छ । विभिन्न देशका विद्यालय र अस्पतालमा समेत समस्या देखिएको छ ।
भारतमा पनि हवाई सेवा प्रभावित हुँदा स्पाइसजेटले दिल्लीबाट उडान भर्ने तीनवटा विमान रद्द गरेको थियो भने दरभंगा र मुम्बई जाने दुई उडान ढिला भएका थिए । दिल्ली विमानस्थलले यात्रुलाई विमानस्थल जानुअघि उडानको अवस्था जाँच गर्न आग्रह गरेको थियो। एयर इन्डियाले भने आफ्नो उडान सञ्चालनमा असर नपरेको जनाएको थियो ।
माइक्रोसफ्ट आउटलुक, टिम्स, सेयरपोइन्ट, कोपाइलट, डिफेन्डर र एक्सचेन्ज अनलाइनलगायत सेवा प्रभावित भएका थिए । यसले इमेल, अनलाइन बैठक, फाइल आदानप्रदान तथा कार्यालयका नियमित काम रोकिएका थिए । आउटलुक सञ्चालनमा समस्या आएको भन्दै विश्वभरबाट एक लाख ४० हजारभन्दा बढी उजुरी परेको तथ्याङ्क सार्वजनिक भएको थियो ।
माइक्रोसफ्टका अनुसार सफ्टवेयर अद्यावधिकमा आएको त्रुटिका कारण समस्या उत्पन्न भएको हो । कम्पनीले यसमा साइबर आक्रमण वा ह्याकिङको कुनै संलग्नता नरहेको स्पष्ट पारेको छ । समस्या समाधानका लागि गरिएका प्रयास अपेक्षाअनुसार सफल नभएपछि कम्पनीले वैकल्पिक उपाय परीक्षण गरिरहेको जनाएको छ ।
विश्वभर ४३ करोडभन्दा बढी मानिसले माइक्रोसफ्ट ३६५ का विभिन्न सेवा प्रयोग गर्दै आएका छन् । यसमा निर्भर लाखौँ कम्पनीको दैनिक कामकाजसमेत प्रभावित भएको छ ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।