कांग्रेस निकट नेपाल थारु संघको प्रथम महाधिवेशन आजदेखि

काठमाडौँ: नेपाली कांग्रेस निकट नेपाल थारु संघको प्रथम महाधिवेशन आज शुरु हुदैछ । महाधिवेशन कांग्रेसका सभापति गगन थापाले आज कांग्रेसको केन्द्रीय कार्यालय सानेपा, ललितपुरमा उद्घाटन गर्ने कार्यक्रम रहेको छ ।

संघले राष्ट्रियता, लोकतन्त्र, समाजवाद र थारु समुदायको एकतालाई मूल आधार बनाएर पहिलो महाधिवेशन आयोजना गर्न लागेको जनाएको छ ।

विशेष महाधिवेशनबाट नेतृत्वमा आएका थापाले पहिलो पटक भातृसंगठनको महाधिवेशन गराउने लागेका छन् । 

थारु संघको यो पहिलो महाधिवेशनलाई संगठन निर्माण र नेतृत्व हस्तान्तरणको महत्त्वपूर्ण अवसरका रूपमा हेरिएको छ । महाधिवेशनले नयाँ नेतृत्व चयन गर्नुका साथै आगामी कार्यदिशा र नीति तय गर्ने अपेक्षा गरिएको छ ।

महाधिवेशनले थारु समुदायलाई संगठित गर्दै नेपाली कांग्रेसभित्र थारु समुदायको भूमिका र सहभागिता थप सशक्त बनाउने विश्वास गरिएको छ। 

उद्घाटन समारोहसँगै महाधिवेशनका विभिन्न सत्रहरूमा संगठनको भावी रणनीति, नीति तथा कार्यक्रममाथि व्यापक छलफल हुने कार्यक्रम छ।

महाधिवेशनका लागि थारु समुदायका सयौँ नेता तथा कार्यकर्ताहरु काठमाडौँ आईसकेको काँग्रेस केन्द्रीय कार्यालयले जनाएको छ । महाधिवेशन आज र भोली हुने बताइएको छ ।